UKUBA NGUMKLAMINANI UMSEBENZI OQEQESHELWE ONENSELELE ENKULU

OKUDINGEKAYO KUMUNTU

Umklaminani kufanele akwazi ukusebenzisana nabantu kuwowonke amazinga, kungakhathaleki noma bangabathuthukisi, abadwebi, onjiniyela, abaklami mihlaba, abameli nabahloli mabhuku ezimali noma osozinkontileka kuya kubakhi, abasizi bakhi, abakhi abasafufusa kanye nabasebenzi nje.

Abaklaminani kubhekeke ukuba basebenze ngobungcweti ngazozonke izikhathi kuwowonke amaqembu athintekile, ukuze baqinisekise ukuphethwa ngendlela komsebenzi.

Ngaphandle kokuzisebenza ngokwabo, amakhono omklaminani ayasetshenziswa nakulemikhakha elandelayo yomnotho:

• ezokwakha
• ezokuthuthukisa izizinda
• kuhulumeni
• kanye nezezimali

Iningi labaholi kwezamabhizinisi bangabaklaminani abaqeqeshiwe.

IMISEBENZI EJWAYELEKILE YABAKLAMINANI?

Wenza yonke imisebenzi yomklaminani njengalokhu:

• ukwenza ucwaningo olunzulu nokuhlela izimali zemisebenzi ehlelwayo;
• ukulungiselela imiQulu yamaNani kanye nemiqulu yamathenda ukuthola amathenda ayiwo nalinganayo kuleyomisebenzi ehlelwayo;
• ukuxoxa ngezinkontileka zokwakha;
• ukubhala imiqulu yezinkontileka;
• ukubhekela ukusetshenziswa kwezimali nokubika kumnikazi msebenzi ngokudwetshwa hokwakhiwa kwemisebenzi;
• ukuthola zonke izindleko zemisebenzi.

You may also read this information in:
Afrikaans
English
Sesotho
Zulu

UKUBA NGUMKLAMINANI ngumsebenzi omuhle kakhulu olungele amadoda nabesifazane abanogqozi lokwenza umsebenzi othokozisayo wokwakha nokuthuthukisa.

Kulezizikhathi zezindleko ezikhula ngokushesha nentuthuko ehamba ngesivinini esikhulu, iqhaza labaklaminani selibaluleke kakhulu ngengamanje kwalokho elaliyikho ekusungulweni kwalomsebenzi eNgilandi ngo-1785.

Umklaminani usebenza njengomeluleki ezimbonini zamabhilidi, ukwakha kanye nokuthuthukiswa kwezizinda, eluleke ngokusetshenziswa ngendlela kwezimali kanye namacebo okukhiqiza okuthe xaxa kwezinsiza okungabasebenzi kanye nezinye.

Ukuthuthukiswa kwezizinda

• ukuthuthukiswa kwezizinda nezinkampani zokuthuthukisa, noma
• ngokusebenza umqondo wakhe namakhono okwakha imisebenzi.

Ukwakha izakhiwo nezinkampani zokwakha, ezincane noma ezinkulu.

Ukuthuthukiswa kwezimboni

• wezimayini,
• amakhemikhali,
• izimboni ezinkulu

Ukuthuthukiswa kwemiphakathi ezindaweni ezikuzo izimboni, ezifundeni kanye nakuzwelonke gokusebenzi imisebenzi angasese kanye neyomphakathi kwezezindlu, emisebenzini yomphakathi kanye nasekuthuthukisweni kwemisebenzi engqalasizinda.

Ukubandakanyeka kunoma yimuphi umsebenzi odinga ukuhlela okunzulu, ukuhlela ngobuchwepheshe, noma ngokwezimali kanye namakhono okuqamba imisebenzi.

UMUNTU ANGANGENA KANJANI KULOMSEBENZI WOKUBA NGUMKLAMINANI?

Zimbili izindlela:

• izifundo zeziqu zeminyaka emine zokufunda ngokugcwele noma ezeminyaka emihlanu yokufunda ngasese eNyuvesi nezaziwa njenge B.Sc (QS)
• izifundo zediploma zeminyaka emithathu eTechnikon bese kudlulelwa kwiziqu ezaziwa ngele B­Tech emva konyaka wesine wokufunda

Kuwo womabili lamazinga okungena, kuzo zombili kukhona indlela ekahle yokuthuthukela phambili uze ubhaliswe ngokusemthethweni kulomsebenzi ube ngumklaminani osebenzayo.

Amanyuvesi ayisithupha namatechnikon ayisishiyagalolunye aseNingizimu Afrika anezifundo zokuba ngumklaminani. Udaba lokufundiswayo, ulwimi olusetshenziswayo kanye nezidingo zokungenela lezizifundo kungatholakala ngqo kulezo zikhungo.

BANGALINDELA UKUHOLA KANJANI ABAKLAMIMANANI?

Ukuba yilungu lomsebenzi oqeqeshelwe ­ njengokuba ngudokotela wokwelapha, umdwebi kanye neminye, umklaminani angalindela ukuhola umholo ohambisana nezinga lomsebenzi. Ukuzimisela, ugqozi kanye nokuzinikela ekuzithuthukiseni nokusebenza kanzima kuholela emvuzweni omuhle ngokwezimali.

OLUNYE ULWAZI

Olunye ulwazi lungatholakala eMkhandlwini wabaKlamimanani wase Ningizimu Afrika ngokushaya ucingo oluthi (011) 315-4140 noma ngefax ethi (011) 315-3785 noma ngokubhalela uMqondisi, ASAQS, PO Box 3527, HALFWAY HOUSE, 1685

Olunye ulwazi