|
WAT DOEN DIE BOUREKENAAR NOU EINTLIK?
Tradisionele bourekenaarsfunksies:
- opstel van uitvoerbaarheidstudies en begrotings van beoogde projekte
- opstel van hoeveelheidslyste en ander tenderdokumente ten einde billike en redelike tenders vir 'n projek te verkry
- onderhandeling van boukontrakte
- opstel van kontrakdokumente
- kostemonitering en verslagdoening aan kliënt tydens ontwerp- en konstruksiefases van projekte
- bepaling van die finale projekkosteEiendomsontwikkeling:
- ontwikkelingsmaatskappye
- eie inisiatief en ontwikkelingsvaardighede
Boukonstruksie deur groot of klein bou-ondernemings
Nywerheidsontwikkeling:
- mynbou
- petro-chemiese aanlegte
- swaar nywerheid
Gemeenskapsontwikkeling op lokale, streeks- of nasionale vlak by wyse van behuising, dienste en infrastruktuurprojekte in die private en openbare sektore.
Betrokkenheid by enige projek wat rasionele beplanning en programering of finansiële en entrepreneursvaardighede vereis.
Navorsing wat verband hou met bou-/eiendomsekonomie, winsgewindheid van kommersiële beleggings, professionele praktykaangeleenthede, kostevoordeelontleding met betrekking tot die seleksie van boumateriaal en konstruksiemetodes en talle ander gebiede wat vir kliënte van die konstruksiebedryf van belang is.
HOE WORD TOEGANG TOT DIE BOUREKENAARSPROFESSIE VERKRY?
Daar is twee roetes:
- 'n Heeltydse vierjaar- of 'n deeltydse vyfjaar-B.Sc (QS)-graadkursus aan 'n universiteit
- 'n Driejaar-diplomakursus wat uitgebrei kan word na 'n B-Tech-graadkursus na 'n verdere studiejaar, aan 'n technikon
Binne beide hierdie toegangsroetes bestaan daar 'n weg vir vordering tot volle registrasie as 'n professionele praktiserende bourekenaar.
'n Tweejaar-korrespondensiekursus waardeur 'n kandidaat as 'n bourekenaarsassistent opgelei kan word, is ook beskikbaar.
Ses universiteite en nege technikons in Suid-Afrika bied kursusse in bourekenkunde aan. Kursusinhoud, taalmedium en toegangsvereistes kan direk by die instellings verkry word.
WAT KAN DIE BOUREKENAAR VERWAG OM TE VERDIEN?
As 'n lid van 'n erkende professie soos geneeshere, argitekte en andere, kan die bourekenaar 'n verdienste verwag in pas met die status van die professie. Substansiële finansiële vergoeding is die beloning van inisiatief, entoesiasme, verbintenis tot die ontwikkeling van persoonlike vaardighede en harde werk.
VERDERE INLIGTING
Verdere inligting is verkrygbaar by die Vereniging van Suid-Afrikaanse Bourekenaars, per telefoon (011) 315-4140, of per faks (011) 315-3785, of skriftelik van Die Direkteur, VSABR, Posbus 3527, Halfway House, 1685 of u kan gebruik maak van ons e-pos fasiliteit hieronder.
|
